Manila, Philippines – Bumagsak sa kamay ng Eastern Police District ang limang drug adik matapos na magsagawa ng buy bust operation ang mga operatiba ng Station Drug Enforcement Unit sa magkahiwalay na lugar sa Pasig, Mandaluyong at Marikina City.
Kinalala ang mga suspek na sina Angel Halcon, Romeo Itliong at Jolandel Pable,Milanio Javier at Emee Mandapat matapos na ikasa ang buy bust operation sa kanilang mga lugar.
Unang naaresto ng mga otoridad si Halcon sa San Agustin St., Palatiw Pasig City matapos magpanggap na bibili ng shabu ang isang pulis sa halagang dalawang daang piso kung saan narekober sa suspek ang 5 pirasong plastic sachet na may lamang hinihinalaang shabuhabang si Itliong naman ay nahuli sa 165 Monday St.,Brgy.kung saan nakumpiska sa kanya ang 1 pirasong plastic sachet na may lamang hinihinalang shabu.
Huling naaresto ay nakilalang sina Jolandel Pable, Milanio Javier, Emee Mandapat na naaresto matapos itimbre ng isang concerned citizen na nagsasagawa ng pot session sa Malaya St.,Brgy. Malanday, Marikina City.
Narekober sa tatlong huling naaresto ay 2 pirasong heat sealed plastic sachet na may lamang hinihinalang shabu at drug paraphernalia.
Paglabag sa RA 9165 o Comprehensive Dangerous Drug Act of 2002 ang isinampang kaso laban sa limang mga drug adik.
