Manila, Philippines – Arestado sa magkahiwalay na operasyon kontra iligal na droga ang limang lalaki sa Cubao, Quezon City.
Unang naaresto ang tatlong kalalakihan sa Farmer’s Market matapos magsagawa ng Oplan Galugad ang mga pulis kung saan naaktuhang nagsasagawa ng pot session ang mga ito sa loob ng kanilang stall sa palengke.
Nakilala ang mga suspek na sina Melchor Catabian, Mark Pia at Erwin Giba na nagtuturuan pa nang tanungin ng mga pulis kung sino sa kanila ang nakabili ng iligal na droga.
Nasakote naman sa buy-bust operation ng QCPD station 7 ang dalawang lalaki na pinagbilhan ng tatlong suspek ng iligal na droga na nakilalang sina Nicodemo Atencia at Modesto Encila na nakuhanan ng walong piraso ng plastic sachet ng shabu.
Facebook Comments
