Manila, Philippines – Naaresto na ang number 2 most wanted person ng Manila Police District (MPD) sa Sta. Cruz, Maynila.
Kinilala ang suspek na si Jeffrey Maguirre, 34 anyos at nag tatrabahong security guard.
Ayon kay MPD Spokesperson Police Superintendent Erwin Margarejo, nadakip ang suspek sa bahay nito sa Alvares Street matapos silbihan ng warrant of arrest na ini-isyu ni Judge Maria Celestina Mangrobang ng Manila RTC branch 38.
October 2012 pa nang simulang tugisin ng pulisya si Maguirre dahil sa tatlong bilang ng kasong rape.
Nakakulong na siya sa MPD headquarters at walang inirekomendang piyansa ang korte.
Facebook Comments
