Manila, Philippines – Puspusan ang kampanya ng mga operatiba ng mga tauhan ni Police Superintendent Ruben Ramos station 8 commander ng MPD laban sa mga gumagamit ng iligal na droga sa Sta. Mesa, Manila.
Arestado sina Alvin Tabianan 25 anyos residente ng Teresa Street Sta. Mesa Manila at Jeff Testado 28 anyos residente ng Road 13 NDC Compound Sta. Mesa Manila matapos na maaktuhang nagsasagawa ng pot session sa Road 12 NDC Compound Sta. Mesa Manila.
Ayon kay Superintendent Ramos nagsagawa ng anti-illegal drug operation ang kanyang mga tauhan sa naturang lugar dahil sa impormasyon na madalas na mayroong gumagamit ng shabu at nagpa-pot session ang mga suspek sa lugar.
Paglabag sa RA 9165 o Comprehensive Dangerous Drug Act of 2002 ang isinampa ng mga pulis laban sa mga suspek.
