‘Human bones’ narekober sa NCCC Mall demolition

Davao City – Narekober sa mga contractor ang bukog ug lahi-lahi nga parte sa lawas gikan sa na-ugdaw nga NCCC Mall sa may Matina ug kanto Ma-a ning siyudad alas 10:00 kagabii.

Gikumpirma ni Police Chief Inspector Pallado sa Scene of the Crime Operatives (SOCO XI) nga narekober sa mga contractor ang kalabira, tiil, ug kamot gikan sa gi-demolish nga gambalay sa nasunog nga mall kagabii.

Giingon ni Pallado nga gi-endosar sa mga contractor ngadto sa Bureau Fire Protection 11 (BFP-XI) ang mga bukog ug ang Talomo PNP na ang nagtugyan niini ngadto kanila.


Dili pa masuta kun ang nakita ba nga mga bukog iya sa mga call centers sa SSI o bin ba kaha mga empleyado sa NCCC Mall nga naapil og kapaig sa nakalabay’ng tuig.

Busa ipailawom sa eksaminasyon ang mga bukog nga anaa karon sa Angel Funeral Parlor sa dalang Torres ning siyudad alang sa pag-ila niini.

Hinoon, walay tino nga petsa kanus-a ipagawas ang resulta sa eksaminasyon sanglit makuti nga pagsusi ang pagahimoon sa mga bukog aron masuta kun babaye ba o lalake ang mga biktima.

RadyoMaN Joel Viray

Facebook Comments