‘Human bones’ sa NCCC mall wala pa mailhi

145

Davao City – Nagpabilin pa nga Mr. Ex ang bukog sa usa ka lalake nga nakita sa stockroom sa ikatulong andana sa nasunog nga NCCC Mall sa may Matina ug kanto Maa ning siyudad.

Migula sa autopsy report nga nakasinati og 3rd degree burn ang bukog ug 15 diyas pa kini namatay apan padugta na ang lawas dihang nakita sa mga nag-demolish sa nasunog nga mall.


Teyorya ni Chief Inspector Ronald Lao, Hepe sa Talomo PNP nga posible gipatay ang biktima sa ulahing semana sa buwan sa Hunyo o dili ba kaha sa unang semana karong bulana.

Hinoon dili pa makumpirma kung gi-unsa pagpatay ang biktima nga nakasuot puwa nga polo, nakapan-talon og maong, ug nakasuot og relo nga silver.

Apan dako ang pagtoo ni Lao nga trabahante ang biktima sa kontratista nga nag-demolish sa mall sanglit nakumpirma sa hepe nga dakong buhi ang nangawat og bronze sa mall nga una na nilang gitohoan.

Busa wala gihikling sa hepe ang posibilidad nga dunay natigayong krimen sulod sa perimeter sa NCCC Mall.



Gi-imbestigahan karon sa kapulisan ang 300 ka trabahante aron sutaon kun duna bay usa kanila nalambigit sa krimen diin ang 20 kanila naka-uli na sa kaulohan.

Kahinumdoman, 37 ka call centers sa SSI ang na-trap ug napaig sa nasunog nga Nccc Mall niadtong buwan sa Disyembre sa miaging tuig.


RadyoMaN Joel Viray

Facebook Comments