ILOILO City – Aprobado na sa 1st reading ang ordinansa nga nagaduso sang pagtukod sang human milk bank sa syudad.
Ini agud masuportahan ang mga nanay kag kabataan nga nagakinahanglan sang beastmilk.
Suno kay councilor Candice Magdalane Tupas ang ordinansa magaganyat sa mga nanay nga magdonate sang ila breast milk.
Mahimo maggamit ang gatas sang mga lapsag nga ara sa neonatal intensive care unit.
Pasalig ni Tupas nga kun maaprubahan ang ordinansa, siguraduhon nga hilway sa sakit ang gatas bangud ipaidalum sa mga tests ang iloy kaangay sang HIV kag heap tests.
Mangin boluntaryo lamang ang pagdonate sang gatas kag himuon ini bangud sang pag-abyanay sang mga iloy.
Paathag ni Tupas nga importante ang gatas sang iloy bangud ini ang nagapanguna nga source sang nutrisyon sang lapsag tubtob sa duha ka tuig ang edad.
Photo from web
