Human sa 60 ka tuig, mga residente sa Saguiaran, Lanao del Sur ug mga sikbit nga dapit, naka angkon og pasilidad sa patubig sa patubig

Pormal nga gi-turn over niadtong Lunes sa International Committee on the Red Cross o ICRC ang water and sanitation facility ngadto sa mga residente sa Saguiaran, Lanao del Sur.

Personal nga gitambungan ni ICRC President Peter Maurer, kinsa nahidangat sa Pilipinas sa ikaduhang higayon sukad niadtong 2013, human sa trahedya sa bagyong Yolanda.

Nagkantidad og upat ka milyon ka pesos ang maong kantidad nga magamit sa kapin sais mil ka mga residente sa Saguiaran sa ilang pagpanglaba, pagpangabo og tubig ug lakip na pagpanghugas sa dili pa mosulod aron mag-ampo o mosimba sa Mosque nga naa lang sa tapad. 


Ang spring, nga wala sukad ma-malhan bisan sa ka-taas sa hulaw, maoy gikuhaan og source sa maong water facility.

Apan miingon si Julficar Pangato, Project Monitoring Engineer sa ICRC, nga moabot sa kapin onse mil ka mga residente ang ma-serbisyohan sa maong pasilidad kung mawad-an og kuryente ang mga sikbit nga dapit kinsa nag-depende sa electric water pump.

Anaa lamang sa duol ang temporary shelter site sa Barangay Sagonsongan, Marawi City nga aduna nay kapin libo ka mga pamilya ang nagpuyo.

Mapasalamatom sa maong proyekto ang residenteng si Zenaida Macatanong, sa maong pasilidad nga makahatag kanila og ka-hamugaway ug kasayon sa ilang kinabuhi.

Dili na maglisod, matud pa, ang iyang masakiton nga bana’ng naka-wheelchair, matag panghugas niini aron magsambayang tungod kay sementado na ang kaniadto creek.

Facebook Comments