Davao City- Nagpahimangno ang Department of Health (DOH) nga bisan og dili paspas mukatag ang Nipah Virus sa Pilipinas, kinahanglan gihapong magmaigmat tungod posible pa kining mabag-o ug muigo sa publiko hinungdan nga ikamatay kini sa mataptan nga tawo.
Sa pagkakaron, ginabantayan usab sa DOH ang ‘animal to human’ ug ‘human to human’ nga transmisyon sa maong virus.
Ug aron nga malikayan ang human transmission, ginadili ang pagpamalit ug pagkaon sa mga karneng ‘double dead’ ug kung aduna’y makitang hayop nga patay na, i-report dayon kini sa Bureau of Animal Industry ug dili na tiwasan pa og ihaw.
Kahinumdoman nga ang Nipah Virus nag-outbreak na sa India ug gikabalak-ang musulod sa mga kasikbit nga nasud maong awhag kanunay sa DOH nga sundon ang mga safety measures nga daan ng gipagula sa ilang buhatan aron magpabiling gawasnon ang tanan gikan sa maong balatian.
RadyoMaN Ivy Parido
Facebook Comments
