Umaabot sa halos 5 million doses ng iba’t ibang brand ng COVID-19 vaccines ang darating sa bansa ngayong araw.
Karamihan sa nasabing mga bakuna ay binili ng national government habang ang 5,000 doses ng Sputnik V Light ay donasyon mula sa bansang Russia.
Unang dumating sa Ninoy Aquino International Airport (NAIA) bago mag-alas-10 ng umaga ang 1,306,000 doses ng Moderna vaccine na binili ng gobyerno ng Pilipinas.
Inaasahan mamayang alas-2 ngayong hapon ay dadating ang 2,805,000 na doses ng Sputnik V na binili rin ng gobyerno at pasado alas-9 mamayang gabi naman darating ang 609,570 doses ng Pfizer na binili rin ng Pilipinas.
Ang naturang mga bakuna ay dadalhin sa storage facility sa Marikina City.
Facebook Comments
