Hustisya gisinggit sa pamilya sa lalaking gidunggab patay

Davao City – Nagbangutan ang pamilya sa Laborer ug hustisya, ang padayong singgit sa pamilya tungod sa brutal nga pagpatay, human nakaangkon og 24 ka samad dinunggaban ang biktima nga si Manuel Boltron Alemania lll, alias “Manny”, 33 anyos, diin nakit-ang nagbuy-od nga hubo daplin sa dalan sa Toril Public Market, Toril, Davao City, alas 3:30 sa kadlawon kagahapon, Hulyo 20, 2023.

Sa interbyu sa DXDC RMN Davao kang Joel Alemania, igsuon sa biktima gibutyag niini, dili sila makatuo nga mahitabo ang pagpatay sa iyang igsuon nga walay klarong hinungdan.

Segun ni Alemania, wala silay nadawat nga bahad sa iyang igsuon ug wala usab kini malambigit sa kawat ug droga sa ilang lugar. Nagtuo usab ang pamilya nga gidala lamang ang patay’ng lawas sa merkado aron dali kining makita sa mga tawo.

Nanawagan ang pamilya nga mo-surrender ang suspek o dakpon sa kapulisan, aron matagaan og hustisya ang kamatayon sa biktima.

“Unta madakpan ang nagbuhat wala man mi makuha nga ibedensya kay patay naman god sya og walay naka isturya nga mao nay nagpatay”,sulti ni Joel Alemania.

Patay’ng lawas sa biktima gihaya sa ilang pinuy-anan ang biktima ug ilubong sa Lubogan Public Cemetery, Toril, Davao City.

RadyoMaN Don Pulayao