Davao City – Maglisud pa og dawat ang pamilya sa duha ka senior citizen human gipangpusil patay niadtong Marso 9, 2024 sa gabii sa Phase 1, Green Orchard, Brgy. Cabantian, Davao City.
Sa interview sa DXDC RMN Davao kang Leonny Morondoz, pag-umangkon sa biktima gisulti niya, hustisya ang ilang singgit ug malaumong madakpan ang suspect nga mihimo sa krimen.
Segun ni Morondoz, pursigedo usab sila mopasaka ug kaso batok sa suspetsado.
Nanawagan usab si Morondoz sa suspetsado nga mo-surrender na sa tinugyanan sa balaud.
Kagahapon adlawa March 11, 2024 gi-awtopsiya na ang patay’ng lawas sa duha ka biktima.
Kahinumduman, gipangpusil sa suspetsado nga nagsakay sa motorcycle ang duha senior nga sila Gaudiosa Reutotar, 73 anyos ug Romeo Lumoha, 67 anyos, didto sa ilang pinuy-anan sa maong lugar.
RadyoMaN Don Pulayao
Facebook Comments
