Davao City- Gitugyan sa pamilyang Castillones ngadto sa Davao City LGU ug Davao City Police Office ang pagkab-ot og hustisya sa pagpusil patay sa 68 anyos nga kanhi pulitiko ug negosyanteng si Giselo Castillones.
Sa eksklusibong interbyu sa DXDC sa asawa sa biktima nga si Doreen Castillones, blangko ang ilahang pamilya sa posibleng motibo sa pagpatay sa iyahang bana.
Segun niini walay hulgang nadawat ang biktima sa wala pa mahitabo ang insidente.
Nanawagan kini sa publiko nga dili pangunahan ang imbestigasyon sa kapulisan.
Matud sa asawa wala kiniy nakabangi tungod sa pulitika.
Gibutyag niini nga aduna kiniy negosyong sand and gravel, abaca ug ga-sabong usab kini.
Nipirma na usab kini sa waiver nga dili nila ipa-autopsy ang patayng lawas sa biktima.
RadyoMaN Aimee Guinita
Facebook Comments
