Davao City- Wala nay kinabuhi ug adunay samad dinunggaban sa tiyan nga napalgan alas-6:30 sa buntag adlawng Martes sa mga residente ang usa ka grade 11 student duol sa may kanal sa Purok Taurus, Tambongon-Bucana Road, Lasang, Davao City.
Sa interview sa DXDC RMN Davao sa inahan sa biktima, nananghid ang iyang anak nga mag-uli og module sa eskwelahan bandang alas-12 sa udto hangtod sa nagabhian kini ug naabtan og ulan.
Gisaysay sa inahan nga nagkaistoryahanay pa sila sa chat ug nanugon kini nga dili i-lock ang pultahan kay muuli kini sa ilahang balay niadtong gabhiona.
Wala nasayod ang inahan nga mutambong ang biktima og birthday.
Samtang sa report sa Bunawan PNP, Martes sa gabie niadto ang biktima sa birthday sa ginganlang Antonette Joy Talabok Polo kauban ang giingong uyab niini nga si Rizaly Ocay, 20 anyos.
Alas 11 sa gabie dungan nga nihawa ang duha sa balay sa celebrant bisan kusog pa ang ulan niadtong gabhiuna.
Gikustodiya karon sa Bunawan Police Station ang giingong uyab sa dalagita sa nagpadayong imbestigasyon.
Dili pa masulti sa mga awtoridad kung gilugos ang biktima.
RadyoMaN Don Pulayao, RadyoMaN Aimee Guinita
