Davao City – Hustisya ang gipangayo karon sa pamilyang Esclamado human nga gipusil patay ang usa nila ka miyembro sa pamilya niadtong milabayng adlaw.
Sa Interview sa DXDC RMN Davao kang Abundia Esclamado, inahan sa biktima nga ila nalang gipaabot ngadto sa kapolisan sa Sta. Ana nga matagaan og hinanaling hustisya ang kamatayon sa iyang anak ug naglaum nga madakpan ang suspek kansa responsabli nga miposil sa biktima.
Matud pa sa inahan nga walay kalaban ug walay nadawat nga hulga ang iyang anak hinuon giangkon sa inahan nga nalambigit kini sa droga sa dugay na nga panahon apan nag bag-o na kini.
Nagtuo ang inahan nga nadamay lamang sa riot ang iyang anak sa may Boulevard gumikan sa iyang kUmpare nga iyang giubanan ug niadto sa birthday nga ilang gibisitahan ug didto ilang gikaaway ang grupo sa mga nagriot.
Gidala pa ang biktima nga si Mico Angelo Esclamado ngadto sa SPMC apan gideklara sa mga attending physician nga dead on arrival samtang ang samaran nga vendor nga si Rechie Santianiez anaa pa sa talandugon nga kahimtang.
Ang patayng lawas sa biktima gihaya na karon didto sa ilang pinuy-anan sa Purok 2, Lizada Village, Km. 7 Lanang ning dakbayan.
RadyoMan Don Pulayao
