Gi-imbestigahan pa sa kapulisan ang motibo sa pagpusil patay sa usa ka sundalo nga gikan pa sa Marawi dihang dapita sa Fontanilla Resedince, Urro corner Bana Street, Purok Sweet Honey, Barangay Sta Maria, Pagadian City.
Naila ang biktima nga si Corporal Rhufel Lihay-Lihay 39 anyos, adunay ka live-in partner usa ka aktibo nga miyembro sa Civic Military Operation,1st Infantry “Tabak” Division, Labangan, Zamboanga del Sur og residente kini sa Salazar, Street, Purok Sweet Honey, Barangay Sta Maria, Pagadian City.
Base sa imbestigasyon nasayran nga sa may alas 12:15 sa kadlawon samtang nagdula og billiard ang biktima ang kalit lang nga adunay duha ka wala maila nga lalaki ang miabot og gipusil ang biktima gamit ang mubo nga kalibre sa armas.
Nakabaton og samad pinusilan sa ulo og kalawasan ang biktima hinungdan sa hinanaling kamatayon niini. Samtang dali usab nga miikyas sa wala masayre nga direction ang mga suspetsado.
Narekober sa crime scene ang 11 ka basiyo sa bala sa cal.45 ug 13 ka basiyo sa gitouhan nga 9mm nga pistola.
Nagpahigayon na og hot pursuit operation ang mga kapulisan alang sa pag-ila sa mga suspetsado samtang hustisya usab ang gisinggit sa pamilya sa biktima.
