Davao City – Dakpan sa Philippine Drug Enforcement Agency (PDEA-Xl) ang usa ka high value target human namaligya’g iligal nga droga atol sa gikasang joint drug buy bust operation alas 4:30 sa hapon, July 25, 2023 sa Purok Pioneer, Barangay Visayan Village, Tagum City, Davao del Norte.
Sa report gikan sa PDEA-XI, ang dinakpan nailang Ronald Layno alyas Ron, residente sa Purok Kawayan, Barangay Madaum, Tagum City.
Sumala pa, malampusong napalitan sa poseur buyer ang suspetsado og usa ka pakete sa gituohang shabu ug laing lima ka pakete ang nakumpiska nga motimbang og 6 ka gramo nga gibanabanaang mobalor og kapin 50,000. Lakip nakuha ang buy-bust marked money ug mga drug paraphernalia.
Ang dinakpan balhug na sa selda sa Philippine Drug Enforcement Agency ug mag atubang og kasong kalapasan sa RA 9165 Comprehensive Dangerous Drug Act of 2002.
RadyoMaN Don Pulayao
Facebook Comments
