Sumala ni CADAC Action Officer Michael Denton Aportadera, dili babag ang nagpadayong COVID-19 pandemic diha sa pagtunol og intervention sa mga nalambigit sa droga.
Gibutyag ni Aportadera, matag semana gilusad pinaagi sa online kun virtual ang mga sessions sa mga drug reformists nga nisumite alang sa programa sa Davao LGU.
“Mas daghan ang katong voluntary nag-surrender to the LGU which is dako gyod na nga indicator nga ang pagsalig nila sa gobyerno naa gihapon diha. Naay mga court mandated, katong atong mga court mandated are those whom who availed the plea bargaining sa ilahang kaso,” matud niini.
Tungod sa problema sa daghang mga drug surrenderees nunot sa gipakusgang Oplan Tokhang sa Duterte administration, namugna ang programa sa CADAC aron ma-rehabilitate ang mga dili ma-akomodar sa mga drug rehab facilities sa pakigalayon sa mga pribadong sektor.
Gilaraw usab nga i-refresh ug i-reorient ang mga barangay officials sa nasangpit nga programa una pa man itugot ang face to face nga rehab sa mga drug reformists.
Gibutyag ni Aportadera, mulungtad pa og duha ka tuig aron hingpit nga ma-rehabilitate ang usa ka drug reformists depende usab sa iyang commitment ug kooperasyon nga magbag-o.
RadyoMaN Aimee Guinita
