I-auction nga real properties sang Provincial Treasurers Office sang South Cotabato yara na lang sa 620 kag posible mabuhinan pa.

19

Yara na lang sa 620 halin sa masobra duha ka libo nga mga real properties ang natalana nga i-auction sang provincial government sang South Cotabato sa Nobyembre 26 kag 27 sa patigayunon nga provincewide auction sale.
Suno kay Maam Mercy Baldostamon sang Provincial Treasurer`s Office nga masobra P33.3 million ang delinquent taxes nga sarang nila nga makolekta sa nasambit nga mga propiedad.
Ang mga tag-iya sang nasambit nga mga propiedad ang naisyuhan na suno pa sang warrant of levy kag ginaawhag ang mga tag-iya nga isettle ang ila obligasyon agud nga indi malakip sa publication kag auction sale ang ila nga propiedad.
Apang posible suno pa mabuhinan ang properties nga ma-auction tungod padayon pa nga ginasettle sang mga tag-iya ang balayran.
Ini suno pa ang tikang sang Provincial Treasurers Office agud mapasanyog ang revenue collection kag maupdate ang ila nga records sang mga properties sa probinsya.
Sa datos sang PTO sa subong ang banwa sang Polomolok ang may pinakamadamo nga i-auction nga nagalab-ot sa 158, Tupi-121, Tantangan-70, Banga-58, Norala -58, Sto. Niño-43, Surallah – 41 ka mga propiedad, kag Lake Sebu may 12 ka mga properties.
Wala naman sang i-auction nga propiedad sa T`boli tungod nasettle sang mga tag-iya ang balayran matapos makabaton sang warrant of levy.
Ginpahayag ni Baldostamon nga ang rason sang pipila ka taxpayers nga wala nabayran ang buwis amo nga nalimptan, wala sang inugbayad kag iban pa matapos nga pipila sa mga propiedad ang halin pa sang 1945 nga wala nabayran ang tax.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers