i Confessions Featured Story
Dear Mikee Gua,
Maayong gabie sa imu diha Mikee Gua ug sa tanang tigpaminaw sa imung programang i confessions nga sige nakug mabati-an matag gabie before ko matulog.
Call me sa ngalan nga James,” minyo, 36, naay upat ka mga anak. Nagsulat ko nimu kay mahitungod aning akong problema ron akong suliran kabahin sa akong kaugalingon nga panghunahuna.
Kay karun muabot na ug five years nga minyo ko sa akong asawa.
Karon, insecure ko sa akong asawa kay sa una, dalaga pa siya, naa siyay uyab din naay nahitabo nila.Giamin man pod niya nga naa nay naka una niya ayha ako.
Karon, kon magkaaway mi, maglagot man hinuon ko niya unya moabot sa akong hunahuna ba nga maayo pa nga lain na lang nga baye ang akong gipakaslan total di man sad ako ang nakauna niya.
Usahay, grabe siya ka maldita bisan kon gitarong pa pagdala. Tanan na lang nga pag pasensya naku sa akong kaugalingon akong gabuhaton pero mao ra gihapon murag dili niya gakakit-an tungod sa sobra kaayo ka maldita.
Buotan man unta ko. Ambot karon magsige na lang mi og away kay dia man ko sa CDO ron ug tua siya sa Dipolog. Usahay di ko mokontak niya para way samok.
Basta motukar akong insecurities sa iyaha about sa iyang past grabe among lalis.
Dili gyud mawala wala sa akong panghuna huna nga dili ako ang lalaking unang nakakuha niya.Murag makatandog sa garbo ba ilabi na kay makita naku didto sa Dipolog ang lalaki nga unang naka una sa iyaha pero balita naku tua na man bag o lang nisakay ug barko kay sea man man!
Usahay makahuna-huna na lang ko og pangita og babaye diri CDO pero maluoy man sab ko sa akong mga anak. Lami lagi kaayo prangkahan nga di mag-ingon ana sobra ka maldita kay angay siya nga magpasalamat kay nagbinuotan ko diri gakayud kog pangitag panggastos sa among mga anak, bisan ug gakahinumduman naku ang iyang past.
Karon,, magsige gihapon mi og lalis unya maglagot ko og maayo niya dala ang pagmahay nganong siya ang akong gipakaslan.
Unsaon ko man ni ug wala kay murag ning tatak na sa akong panghuna huna ang sakit nga akong nahibal-an nga dili ako ang naka una niya .
Ug ang pagka maldita dili naku makaya
James
Pakibilin lang sa inyong mga mensahe Para sa inyong mga reactions advice ug comments para kang James
