i Confessions Featured Story "Seloso Kaayo"

11

Dear Mikee,
Ako si Alice, 28 anyos, nagtrabaho sa usa ka kompaniya sa CDO. Ang akong problema mao ang akong uyab nga grabe ang ka­seloso.
Upat na mi ka tuig, pero buwag-uli mi, kay mao lagi, seloso. Maayo unta kon ang iyang pagkaseloso sulti ra, pero iya kong dapatan ug usahay akong mabati-an nga gahimu pod siya ug butang nga makapanimalos sa ako-a.
Dihay higayon nga nakakita siya nako nga nakig-estor­ya sa akong kauban sa trabaho, paglakaw namo iya kong gihapak kay nagselos na sab. Di siya gustong makig-estorya ko og laing lalake.
Kana sang mga outing unta namo, di ko makakuyog. Makakuyog ko magtago-tago. Akong hangyuon akong mga kauban nga di ibutang sa Facebook ang pictures nga naa ko o i-tag ko kay gubot na.
Ang grabe kay kuhaon niya ang akong cell phone kada kita namo. Mangutana siya kon wa siya makaila sa mag text or manawag nako. Ingon ana siya ka possessive nako. Kung naay mga number nga unregistered siya ang gatubag ug kon babae dili siya masuko pero ug lalaki iyahang diretsoon ug storya nga dili na magtawag tawag daw iyaha dayon palungon ug magsugod napod ang among dakong away.
Ing ani ug ing ani ang pirming scenario sa akong kinabuhi murag bati naku wala koi kadaganan kay tanan na lang pirmi duda ug duda.Maghilaka siya usahay sa kasuko pero usahay ako na man lang palabyon human sa among dakong away.
Maayo kaha ning iyang gibuhat nga maora ko og matuok?
Nibahad siya nga dunay dautang mahitabo basta usban nako siya og buwag.Kinahanglan na ba kong mabalaka kung magbahad na akong akong uyab.Dili pa man tu-od mi minyo pero murag gasuffer na ko sa mga gakahitabo sa dagan sa among relasyon.
Unsa man ang akong buhaton, Mikee? Love unta nako siya pero anam-anam nang nawagtang tungod sa iyang batasan nga tuod ingon nila seloso siya timailhan nga gugmaan siya naku pero sobra rapod kaayo siya sa iyang pagka siya.
Please tambagi ko Mikee
Until Here
Alice of Vamenta Carmen

Facebook Comments