MAKAAYO ni dili lang sa imong pang-adlaw adlaw apan lakip na sa imong panglawas, kon sakto ang imong tulog.
Matawag ning healthy sleeping habit nga maayong nga sleep hygiene.
Ania ang pipila ka mga mamahimong nimong mabuhat aron mas taas ang imong tulog matag gabii.
1. Sunda ang schedule sa pagkatulog nimo, pagmata bisan paman sa weekends. Pinaagi niini makÂatabang kini nga ma-regulate ang imong body clock ug maÂkatabang usab kini nga dali ka nga makatulog sa gabii.
2. Pagpraktis og relaxing nga bedtime rituals. Usa sa makapa-relax bag-o matulog kining pagpawong sa suga aron usab malayo ka sa aktibidad nga makapa-excite nimo, stress ug uban pa.
3. Kon maglisod kag tulog, ayaw pag-nap, hilabi na sa hapon. Dako’g tabang ang power nap aron makalahutay ka tibuok adlaw apan kon dili diay ka dali makatulog matag gabii, mas maayo ning dili ka mo-nap.
4. Pag-exercise kada-adlaw. Makaayo ning pag-ehersisyo sa tulog, bisan og gamay lang nga exercise. Pag-exercise bisan unsa nga oras sa adlaw apan ayaw nang masakripsiyo imong tulog.
5. Bana-banaa usab imong kwarto. Kinahanglan nga maayo usab og environment ingon man hayahay imong katulgan. Kinahanglan nga anaa sa 15-19 degrees celcius ang gibugnawon sa imong kwarto. Kinahanglan usab nga wala’y saba ang imong higdaanan aron dili kini makadisturbo sa imong tulog. Kon mamahimo ngit-ngit kini. Tan-awa kon unsay hinungdan sa saba susama sa hagok sa imong partner. Gamit og itom nga kurtina, eye cover, ear plugs ug uban pa.
6. Katulog sa komportable nga higdaanan ug unlan. Kinahanglan usab nga komportable imong higdaan. Anaa ra sa 9-10 ka tuig molungtad ang mga maayo nga katre. Gamit og komportable nga unlan nga attractive usab sa sa room ingon man wala kini allergens. (sleepfoundation.org)
Source: https://www.sunstar.com.ph/article/169453
Image credit: Times Now
