i Kalami! ‘Health Tips’

WALAY tawo nga gustong magkasakit. Ang sakit dili lang hasol kondili gastos pa gyod. Gawas nga lain ang imong pamati, makapalta ka pa sa trabaho o sa eskuylahan, dili makapanginabuhi, o makaatiman sa imong pamilya. Basig magkinahanglan ka pag tawo nga moatiman nimo, ug tingali mogasto ka pag mahal sa pagpatambal ug sa medisina.

Siyempre, mas maayong mag-amping aron makalikay sa sakit. Dunay mga sakit nga dili gyod malikayan. Pero may mahimo ka aron dili dayon mataptan ug sakit. Tagda ang lima ka paagi nga imong mahimo aron mas mohimsog ang imong panglawas.

01. MAGMAHINLO – Sumala sa Department of Health, ang paghugas ug kamot mao ang usa sa kinamaayohang paagi aron malikayan ang sakit ug ang pagkaylap niini.


02. PAGGAMIT UG HINLONG TUBIG – Kon dili luwas ang tinubdan sa tubig o dili maayong pagkapondo, mahimo kining puy-an sa mga parasito, ug mahimong hinungdan sa kolera, kalibang, tipos, hepatitis, ug uban pang impeksiyon. Ang hugaw nga tubig maoy usa sa mga hinungdan sa mga 1.7 ka bilyong kaso sa kalibang tuigtuig.

03. PAG-AMPING SA IMONG KAONON – Imposible nga makabaton ug himsog nga panglawas kon walay maayong nutrisyon, ug para sa maayong nutrisyon, nagkinahanglan kag sustansiyado ug balanseng pagkaon.

04. PAG-EHERSISYO – Bisag pila pay imong edad, nagkinahanglan kag regular nga ehersisyo aron makapabiling himsog.

05. EKSAKTONG TULOG – Magkalahi ang gikinahanglang tulog sa matag tawo. Kadaghanan sa bag-ong natawo matulog ug 16 ngadto sa 18 ka oras adlaw-adlaw; ang mga bata nga nag-edad ug 1-3 matulog ug mga 14 ka oras, ug ang 4-5 anyos matulog ug mga 11 o 12 ka oras. Sa mga bata nga nag-eskuyla na, sila angayng matulog nga dili moubos ug 10 ka oras, sa mga tin-edyer mga 9-10 ka oras, ug sa hamtong 7-8 ka oras.

Source: www.jw.org

Image credit: www.independent.ie

Facebook Comments