iDOL! mura ka ba ug sige lang ug dagan ug walay naabtan? Sige lang ug trabaho ug walay pahulay? Nagluya ka na ba ug gibati ug pamugnaw sa kalawasan ug wala nay gana mo lihok-lihok? Basin stress na na iDOL! Ania ang pipila ka mga giya alang kanimo para mapakgang nimo ang stress…
01. Isubay o ipaambit nimo ang imong mga gibati karon sa mga soud nga mga tawo o higala kay pinaagi niini matambalan gamay ang imong sobra nga kakapoy o stress tungod sa imong mga gipanghuna-huna.
02. Ayaw ug huna-hunaa nga adunay dili maayong mga pwedeng mahitabo ugma damlag. Kini nga panghuna-huna makahurot sa imong kusog. Pasagdi ang ugma nga maoy moalim sa imong mga stress karong adlawa.
03. Walay undang nga gimbuhaton matag adlaw ang usa sa maka stress sa tawo, busa pangita ug panahon nga ikaw ma relax pinaagi sa pagbakasyon, magrelax ug pagangkon ugsaktong pahulay.
04. Tagae ug saktong oras ang tanang gimbuhaton para dili ka mag apas pirmi sa imong panahon. Pagpuyo ug simpleng kinabuhi, pasempliha ang imong kinabuhi pinaagi sa pag kunhod sa imong oras sa trabaho.
05. Ayaw kalimot pag ampo, ihatag sa Ginoo ang imong mga kakapoy, kay mahal ka sa Ginoo. (1 Pedro 5:7)
Source: https://www.jw.org
Image credit: MSS Business Solutions
