Dear Two Lolos,
Maayo kaayo ka kay pirme ra kag palabi Kung ako ang mo-hangyo, murag walay bili Wala ko kasabot ba, murag di ni ingon-ani Di man jud ni mao, unsaon nako ni?
Ako si Lily 23 anyos ug naay uyab nga palahubog. Sige lang ug inom uban ang mga amigo nyang mga hambog. Ako siyang ga badlungon kanunay pero gahi kaayo! Gahi kaayog ulo di jud magpatuo ambot niini nga tao…
Ka edad ra mi, akoy malooy kaniya kay sigeg kahubog Wa nay panahon gani nako ug sa barkada na lang gani matulog Akoy nahadlok niya basin moabot ang panahon Ang panahon nga basin matukhang ni puhon.
Halos kada gabii inom didto inom diri! Murag mahutdan na ug Tambuay ug Rebhorse kini Di na mokaon kay isuka lang daw gihapon… Mao ba ning kinabuhi nga sa alcohol naulipon.
Naay mga panahon usab nga namugnaw na siya nako! Kay kong man-laag mi di sya ganahan ug masuko… Magsegi lang ug text text kung manan-aw mi`g sine Mentras ako nalingaw na ug sa salida nag ngesi ngesi!
Di ni mao ang akong gustong mahimong partner. Ang akong gustong mahitabo kanang mo care… Naunsa ma ning lakiha nga iya man kong gimantinir… Ayha ra ganahan ning lakiha kung siya mo herher…
Mao ra ba ni iyang gi-apas kanako idol? O basin ingon ani lang jud siya nga mo kontrol Mo kontrol sa iyang gibati diri kanako Ug ako usab giganahan mura na jud ug ako.
Nag assume nako nga siya na ang akong kagahapon Ang akong karon ug ugma nga makauban ug maipon Naunsa na ni karon nga mura naman ug way klaro! Gusto nako nga mag desesyon nga bulagan na nako!
Buntis man gud ko sa akong paminaw… kay di na ko ganahan mokaon ug pamahaw, Gibaliwala na man gud ko sa akong tan-aw, Ako na ba syang bulagan ug ako molakaw?
Daghang Salamat
Inday Lily
Ipadala ang inyong mga sulat tampo sa ifmcdo facebook o e message sa ifm textline 09055232095
