i Waka Waka ni Mikee Gua Sa Bonseta’s Fun Fun Rides Talakag Bukidnon

Kita Mga Pinoy hilig kaayo ta ug sigeg adto sa lugar nga nindot ug patsada.Ug mahiligon kaayo ta nga kauban ang atong tibook pamilya o dili ba kaha barakada.
Busa aduna ko’y bag-ong nadiskubrehan nga malaagan nga kung imu ning maadtoan makauban nimu ang lain laing karakter sa mga superhero nga makita lang sa salida pero karun abot kamot na.
Adunay nindot nga dapit nga diin imu gyung makuptan sa imung mga kamot ang imung mga paboritong superheroes nga samtang malingaw ka na sa pagtan -aw sa kanindot sa palibot malingaw pod kag sulay sa laing laing mga pwedeng maadto-an samatang anaa ka sulod sa dapit.
Dinhi mismo sa Rehiyon 10 sa Northern Mindanao makita ang pinaka bag-ong Bonseta’s Fun fun fun Rides nga anaa sa Tikalaan Salucot Talakag Bukidnon.
Makaplagan nimu sa dapit nga mura ka ug naa sa Paris ang Eifel Tower mga paborritong pod nimung superheroes nga sa TV o salida lang makit-an sama ni The Flash,Hulk batman aptain America ug lain pang superheroes .
Mao kini ang bag-ong destinasyon para sa mga mahiligon mo travel ug nindot nga mga view.
Sulod mismo sa maong Bonseta’s Fun Fun Rides adunay nagkalain laing klase nga playgound nga angayan gyud para sa mga bata.
Maka relaks ang maong lugar tungod adunay natural nga view ang nakapalibot niini.
Tungod sa kanindot sa lugar malantawan nimu ang asul nga kalangitan duyog sa puti ug baga nga gabon usahay pod hawan nga kawanangan nga maoy makapanindot kung ikaw mahiligon sa pagkuha ug mga hulagway duyog niini ang kabukiran sa Bukidnon nga hastang limpyoha kung imung lingion sa layong dapit.
Kapresko sa palibot ug hangin nga mudampi sa imuhang panit nga makahatag sa imu ug kadasig.
Sulod sa maong dapit adunay restawran nga gahatag ug maayong serbisyo barato pero lami-an nga mga pagkaon sa entrada makaplagan ang dagkong motorsiklo.
Ang entrance sa maong dapit ana-a sa 50 pesos lamang para sa mga adult ug 20 pesos para sa mga bata
Adunay laing pasilidad nga makahatag sa imu ug excitement kung muagi ka sa ilahang hanging bridge,paggamit sa ilahang rental nga ATV 500 2 ka libot,ug motor train.
Aduna pod Convenience Store sa maong dapit ingkaso nga naa kay nalimtan paliton samtang naa ka sa siyudad.
Ang maong lugar mamahimong lugar para sa anak ug pamilya pati pod sa mga suod nga mga higala.
Busa unsa pa ang imung gihulat bisita na sa daling panahon sa lugar nga malingaw ug maenjoy ka kauban ang barkada ug pamilya sa Talakag Funfun rides sa Bukidnon.
Mabati-an nimu ang kabugnaw gikan sa kainit nga klima kining lugar ang makahatag tubag sa imung paglingaw.
Ayaw lang ug limot nga magdala ug jacket.
Kanus-a kaha ang imung pagdalikyat sa lugar para mabati ang sunod nga tukmang pag relaks ug pag pahulay nga adunay pag enjoy?

Facebook Comments