Sa akong sigeg laag sa nagkalain laing dapit sa Pilipinas mas maayo gyud nga imung maadto-an ang lugar sa imung yutang natawhan.Adunay mga nindot nga lugar nga mas dali dalikyatan pero ang view masiguro gayud nga imung maenjoy minus pa sa gasto ug panahon.
Sama na lang sa lugar nga nahimutang sa mga utlanan sa Talakag Bukidnon ug Cagayan de Oro City boundary.Malipay nimung makit-an ang adunay halos 24 Falls nga ginatawag nilang Sinulom Falls sa may Barangay San Isidro Talakag Bukidnon,mas maejoy ang view sa Sinulom Falls kung anaa ka sa pikas nga bahin sa suba sa Tignapoloan,Cagayan de Oro City.
Pero kini isa ka access land nga usa ka pribadong yuta nga gipanag-iya ni City Councilor Jay Roa Pascual nga anaa sa Brgy Tambo Tignapoloan.
Gitawag kining Sinulom Falls tungod sa sulom o mga itom nga lamigas.
Adunay gilay-on nga 26 kilometro ang pag-adto sa Sinulom Falls mga isa ka oras ang biyahe sakay sa pampublikong jeepney gikan sa siyudad centro,depende sa imung mahimung sakyan ug dagan.
Aduna po’y laing pamaagi sa transportasyon gikan sa Cagayan de Oro Airport Bukidnon Road pwedeng maghabal habal (motorsiklo) paingon sa Sinulom Falls.Ang dalan padulong sa dapit sementado na.Pero gikan sa ibabaw padulong sa silong sa Sinulom Falls batohon nga dalan ang imung maagi-an mga isa ka kilometro ug muabot sa 20 minutos nga baklay.Girecomenda nga ibilin ang among motorsiklo sa ibabaw pati pod ang 4 wheel drive nga sakyanan.
Sa pag abot nimu sa dapit maagi-an nimu ang usa ka dakong entrance nga ginatawag nga JRP Farm.Pagnaog sa unahan makita ang mga payag nga adunay mga linkuranan.Ug aduna pod lu-ag nga lawak ug mga shower area.Puno sa Kapehan ang gilid sa agi-anan pag duol sa dapit
Ug ang ilabihan nga makapanindot sa imung pag-abot sa tiilan sa dapit mao ang atraksion sa agus sa tubig ug tagaytay niini nga dili maihap.
Para makaduol mismo sa agus sa tubig sa Sinulom Falls kinahanglang mugamit ug balsa aron matagamtaman ang kabugnaw sa tubig ug ang kaanindot sa kinaiyahan.
Busa ayaw pakyasa nga muadto sa dapit arun mabati nimo ang susama sa pilak nga gakahulog nga mga tubig ug natural nga palibot.
Pagkanindot sa dapit !Kanus-a ba nimu planong mabati-an ang talagsaon lang nga panahon sa imung kinabuhi?i waka waka na tah sa Sinulom Falls.
