Pagadian City – Nipasa og resolution ang Inter Agency Task Force (IATF) sa syudad nga nagmando sa tanang pampubliko ug pribado nga ospital, health facilities, diagnostic laboratories nga mosubmiter og resulta sa RDT, RT-PCR (Swab) ug Antigen Tests kada alas 4:00 sa hapon. Ang mga resulta sa tests nga nakuha pagadawaton sa mga personahe sa Emergency Operation Center sa Local IATF sa Pagadian City nga nahimutang sa covered court sa City Plaza.
Apil nga gipatik sa Resolution No. 10 nga atol sa submission sa test results ilakip ang address sa pasyente ug lakip ang work of assignment sa pasyente sa nakalabay nga duha ka semana. Lakang kini sa Local IATF aron mas mapadali ang contact tracing, dali usab nga mapatuman ang health protocols nga maoy makasanta aron dili makakatap ang COVID-19.
