Wala pay tubag nga nadawat si City Councilor Simplicio Larrazabal labot sa ilang hangyo sa Inter Agency Task Force on COVID 19 mahitungod sa pagtugot ug angkas sa motorsiklo.
Kini human mihangyo sila sa IATF tungod sa daghang reklamo nga ilang nadawat mahitungod niining hangtud karon wala pa gihapon tuguti ang pagpa-angkas sa motorsiklo.
Bisan si konsehal Larrazabal, ang chairman sa committee on transportation sa hawanan sa konseho, wala usab kasabot kun nganong did-an pa ang pagpa-angkas bisan kadtung kauban lang sa pamilya lakip ang mga asawa.
Nanghinaut si Larrazabal nga mahatagan ug konsiderasyon sa IATF ang ilang hangyo aron mahatagan na unya ug tubag ang problema sa katawhan karon labot sa ilang masakyan ilabi na panahon sa kagabhi-on.
