CAUAYAN CITY – INILABAS NA NG PAMAHALAANG LUNGSOD NG CAUAYAN ANG SERYE NG SELEBRASYON PARA SA “PASKUHAN SA CAUAYAN 2025” NA MAGTATAMPOK NG IBA’T IBANG PALIGSAHAN AT AKTIBIDAD MULA DISYEMBRE 4 HANGGANG 14.
NAKATAKDANG IDAOS SA DISYEMBRE 4 ANG 1ST ELIMINATION ROUND NG CHRISTMAS JINGLE COMPETITION AT YOUR FACE SOUNDS FAMILIAR SA HARAP NG CAUAYAN CITY HALL, KASUNOD ANG 2ND ELIMINATION ROUND NG DALAWANG KOMPETISYON SA DISYEMBRE 5. MAGPAPATULOY ANG PATIMPALAK SA DISYEMBRE 6 PARA SA 3RD ELIMINATION ROUND.
BILANG BAHAGI RIN NG PAGDIRIWANG, ISASAGAWA SA DISYEMBRE 10 ANG “HAPAG NG UNA KA DITO – CAUAYAN CITY CHRISTMAS COOK-OFF” SA DISTRICT 1 COMMUNITY CENTER NA NAGLALAYONG ITAMPOK ANG TALENTO NG MGA CAUAYEÑO SA PAGLULUTO.
AABANGAN NAMAN SA DISYEMBRE 14 ANG GRAND FINALS NG CHRISTMAS JINGLE COMPETITION AT YOUR FACE SOUNDS FAMILIAR, BAGO ANG OPISYAL NA AWARDING CEREMONY SA HARAP NG CAUAYAN CITY HALL BILANG PAGTATAPOS NG PAGDIRIWANG.
MATATANDAANG NATAPOS NA ANG CHRISTMAS LIGHTING AT BANCHETTO OPENING NOONG DISYEMBRE 1 NA NAGSILBING PANIMULANG HUDYAT NG PASKUHAN SA CAUAYAN 2025.
