Davao City- Walay nakitang bug-at nga rason ang Integrated Bar of the Philippines Davao City Chapter aron mag-usab og istratihiya sa kampanya kontra droga ang kasamtangan nga gobyerno.
Girason ni IBP Davao City Chapter President Atty.Roger Largo nga wala na gikinahanglan mag-usab og pamaagi ang kagamhanan sa katarungan nga dako ang pagkibhang sa suplay sa droga nasud karon gani makita kini sa gidaghanon sa mga nadakpan ug mga nanurender sa usa ka tuig lang.
Ang walay hunong nga operasyon sa mga otoridad batok sa mga drug pushers hangtud karon nagpama-tuod lang nga dili igo ang usa ka tuig aron mudaog ang gobyerno kontra droga nga mikuyanap sa nasud.
Apan positibo si Atty.Largo nga dungan sa pagtapos sa termino ni Pangulong Rodrigo Duterte sa 2022 malimpyo ang pilipinas gikan sa organisasyon sa mga sindikato sa droga nga miguba sa kaugmaon sa pilipinas.
Ang pag-angkon ni Pangulong Duterte nga dili kaya ang unom ka tuig wala daw nagpasabot nga dili gyod kaya sa kagamhanan nga mabadbaran sa gapos sa droga ang pilipinas.
Inay ang buot lang ipadayag sa Presidente mao ang ka kalalom sa ugat sa problema sa droga nga mika-nat sa daghang dapit sa nasud karon diin kumbisido si Largo nga natay-og na ang mga sindikato tungod sa pagnihit suplay ug pagkalugi nila sa ilang operasyon.
Sumala ni Largo nagsulti nga tulo ka pamaagi angay tan-awon sa kagamhanan aron mulampos sa pakigbatok sa droga sama sa pagpatuman sa balaod, pagpalapnag sa education campaign, ug drug rehabilitation.
Kasamang Joel Viray
