Davao City – Nagpasidaan ang Integrated Bar of the Philippines (IBP) Davao City Chapter sa publiko batok sa mga mangingilad nga nagaproseso’g annulment ug uban pang legal papers.
Gibutyag ni IBP Davao President Atty. Maceste Uy, mag-igmat batok sa mga modus operandi ilabina diha sa online.
“Warning ni siya to the public nga kung aduna moy legal concerns adto gyod mo sa mga lehitimong abogado ug dili ipaagi sa mga fixers, now sa mga taong involved aning modus operandi ang akoang warning sa ilaha nga undangi na ninyo because the long arm of the law will really catch you,” sumala ni Uy.
Gi-abisohan niini ang katawhan, aron makasigurado moadto sa mga opisina sa IBP sa ilang mga lugar aron lehitimo usab ang duolan nilang mga abogado.
Subay niini giduso na ang kasong paglapas sa Art 177 sa Revised Penal Code (Usurpation of Authority or Official Function) ug violation sa Art 315 sa Revised Penal Code (ESTAFA) batok sa mga suspek nga sila Lyndon Onell Duldulao ug Lyndon Miones Lapig nga nadakpan sa joint entrapment operation sa CIDG ug IBP Davao nga matud pa illegal nga nagproseso’g annulment.
RadyoMaN Aimee Guinita
