Davao City – Nagpasidaan ang Integrated Bar of the Philippines kun IBP Davao nga mag-igmat batok sa mga nagpakaaron ingnong mga abogado.
Sa interbyu sa RMN Davao kang Atty. Eleonor Dela Peña presidente sa IBP Davao nga susihon ang abogado una makipag-transact sa usa ka kaso.
Matud ni Dela Peña nga angay na mag duda kung wala kiniy opisina sama atong pekeng abogado nga nadakpan ug wala pod kiniy mapresentang lawyer’s ID kun IBP ID nga makita ang iyahang numero sa Roll of Attorney.
Makigpulong usab si Dela Peña sa IBP Davao aron tukion ang maong insidente ug sa posibleng himuon pang aksyon batok sa naarestong pekeng abogado.
Samtang kasong paglapas sa Art 177 (Usurpation of Authority), Art. 172 (Falsification of Private Individual in relation to 171) ug kasong Estafa ang gipasang-at batok sa suspek nga si Wilhelmo Romena.
Segun ni Davao City Anti-Scam Unit Simplicio Sagarino nga nipatim-aw usab ang laing pang mga complainants kinsa nabiktima ni Romena.
Matud sa usa sa mga complainant dul-an P200,000 na ang ilahang natunol nga bayad ngadto kang Romena kinsa maoy nihawid sa kasong droga nga iyahang anak.
Apan wala matud pa kini nisipot sa korte atol sa arraignment ang dinakpan.
Gisulayan sa DXDC nga kuhaan og pamahayag ang suspek apan nidumili kini sa pagtubag.
RadyoMaN Aimee Guinita
