Davao City- Nipadayag sa iyang pagkadismaya ug gikwestiyon ni Davao City 1st District Councilor Edgar Ibuyan Jr., ang katakus sa mga opisyales sa Department of Public Works and Highways (DPWH-XI).
Segun sa konsehal kinsa chairperson sa Committee on Public Works and Highways sa 20th City Council, daghang mga reklamo ang nadawat niini sa iyang opisina mahitungod sa mga nadelatar, suspended, unattended ug hinay nga pagtrabaho sa mga proyekto dinhi sa syudad.
Sumala niini naghatag kini’g problema sa komunidad kung diin nahimutang ang maong mga proyektong nagkantidad sa binilyon ka pesos nga drainage, kalsada ug tulay nga natanggong sukad pa sa 2019.
Buot mahibaw-an ni Ibuyan, kung ang mga opisyales naglantaw ug kwalipikado ba gayud sa ilang mga trabaho.
Tungod niini, giinbita sa konseho ang DPWH sa sunod regular session aron patubagon.
RadyoMaN Aimee Guinita
Facebook Comments
