Ibuyan: Liquor ban makatabang vs COVID surge

22

Davao City – Gipakalma ni Association of the Barangay Captains Pres. Edgar Ibuyan Senior ang mga dabawenyo nga manginumay sa ilang reaksiyon sa subling pagpatuman sa 24/7 liquor ban dinhi sa dakbayan sugod karong Nobyembre 2, 2020 kon sa adlaw’ng Lunes sunod semana.

Gipasabot ni Councilor Ibuyan nga wala initi sa lokal nga gobyerno ang mga dabawenyo nga maglipay ug maglingaw-lingaw sa tagay tungod gitabangan ra sila nga makalikay sa Corona virus disease 2019 sa pag-imposar og balik sa liquor ban sa siyudad karon.


Giingon ni Ibuyan nga dakong bintaha sa bahin sa mga manginumay ang liquor ban kay dili lang makadaginot sila sa ilang kwarta apan makauban usab niya ang ilang mga pamilya gawas nga masalbar sila gikan sa makuyaw nga balatian karon sa kalibutan.

Gidasig ni Ibuyan ang mga dabawenyo nga dili tan-awon ang panahon ni ihapon ang oras sa implementasyon sa liquor ban kay dunay dakong posibilidad nga sa dili pa mahuman ang Disyembre basin bakwion ra kini hilabi na nga kon mibalik na sa normal ang panahon ug ekonomiya sa dakbayan.

Nasuta nga usa sa gitudlo nga rason sa pagsaka sa kaso sa COVID-19 sa siyudad mao ang mga pala-inom nga kon mahubog wala na ta’y matigayon nga social distancing ug wala sab sila magsuot og face mask hilabi na nga usa ka ra baso ang ilang gamiton sa pag-inom.

Aminado ang konsehal nga sa pag-implementar og balik sa liquor ban mas magpalugi kini sa mga negosyante og bino ug makapahagba og maayo sa ekonomiya apan dili sab mamahimo nga magsakripisyo ang panglawas sa kadaghanan tungod lang sa ginansiya nga makuha gikan sa baligya nga bino.




RadyoMaN Joel Viray

Facebook Comments