Davao City – Hingpit nang milingkod sa iyang unang adlaw isip konsehal sa 18th City Council si Brgy. 5-A Bangkerohan Brgy. Captain Edgar Ibuyan Sr.
Sa iyang privilege speech, mapasalamton si Ibuyan sa iyang kakaubanang kapitan nga mipili kaniya nga mamahimong presidente sa Liga ng mga Barangay.
Sa pakighinabi kaniya, gibutyag niini nga prayoridad niya karon ang pakigpulong sa uban pang barangay captains aron masayod sa mga nag-unang mga mulo sa ilang kabarangayan.
Gitataw ni Ibuyan nga ipadayon niini ang mga programa nga gisugdan ni kanhi Konsehal January Duterte sama sa Lingap.
Dugang sa bag-ong konsehal nga makigpulong siya sa ubang barangay kapitan human sa pagsaulog Kadayawan diin magpili usab sila og mulingkod isip Vice President ug Auditor sa Liga ng mga Barangay nga kasamtangan pang bakante.
Atol usab sa 30th Regular Session, nanumpa si Ibuyan isip bag-ong chairperson sa Committee on Barangay Public Affairs sa konseho.
RadyoMaN Jason Amisola
