Lalaki nga giantos ang kainit sa panahon sa pagpaninda ug ice cream, daw giuwanan ug grasya .
Nagviral ang usa ka video kagahapon diin nakita si Senador Manny Pacquiao nga nihatag ug kuwarta ug nisaad pa gyud ug house & lot ug trabaho sa usa ka ice cream vendor didto sa ilang lugar sa General Santos City.
Sa maong video nakita nga namalit ang mga kauban sa grupo ni Pacquiao ug ice drop gikan sa tindero nga ilang gitawag ug Manong Marciano .
Nainteres ug nalukmay si Pacquiao ug iyang gipatawag si Manong Marciano aron tagaan kini ug P3,000 apan dihang iyang nasayran nga bag-o lang nakasinati ug stroke si Manong Marciano ug napugos kini sa pagtinda ug balik, iya kining gidugangan ug P30,000.
Human usab nasayod si Pacman nga nangabang lang ug balay si Manong, iya kining gipahatagan ug balay ug yuta ug bag-ong trabaho aron mohunong na ni sa pagtinda ug ice cream ilawom sa kainit sa adlaw.
