Naghingyo na ang Iloilo City Loop Alliance of Drivers Association ukon ICLAJODA sa Land Transportation Franchising and Regulatory Board ukon LTFRB nga himuon 12 pesos ang regular nga pamasahe sa depasahero nga mga jeep.
Ginpahayag ni Mr. Boyet Parcon, Presidente sang ICLAJODA nga nagsumiter na sila sang petisyon sa LTFRB Region 6 nga nagahingyo nga pataason sa 12 pesos ang regular nga pamasahe halin sa 6.50.
Ini bangud sa pagpatuman na sang Tax Reform for Acceleration and Inclusion ukon TRAIN law nga nagapataas sang excise tax sa petrolyo nga nagakahulugan man sang pagtaas sang presyo sini.
ginhatagan pagtamod ni Parcon nga maga-antus ang mga drivers sa manubo nga kita kon magpabilin sa daan ang pletehan samtang daku na ang gintaas sa presyo sang petrolyo.
Ginbaton naman ni LTFRB Region 6 director Richard Osmenia ang petisyon sang ICLAJODA kag ginpasalig nga ipalab-ot sa central office agud maaktuhan kon bala pasugtan ukon indi ang hingyo nga saka sa pamasahe.
