Iloilo City – Nanindugan si PSSupt. Martin Defensor Jr., Director sang Iloilo City Police Office nga wala sang foul play ang ila pag-aresto sa duha ka bodyguard ni City Councilor Plaridel Nava sa Iloilo City Hall kahapon sang udto, Enero 7,2019.
Suno kay Defensor , ‘in good faith’ ang ila operation kahapon baliskad sa pahayag ni City Councilor Plaridel Nava.
” Patas akong lumaban . In good faith yung pagtrabaho namin bilang police. Nagawa namon tanan ang part namon para isulong ‘yung justice sa pamilya ni Mercedes Nava. Kasi ang amon lang gusto sir ma-solve itong kaso kasi amo man na ang gin order sa akon. Kami sir in good faith lahat sir. Walang foul play kami ginhimo sir .Bal-an sang Diyos yan sir.May Diyos ang kalibutan sir, ” pahayag ni PSSupt. Defensor.
Paathag ni Defensor, ang ila pagdakop sa mag-utod nga Julius ‘Tata’ Delos Reyes kag Roy Delos Reyes ang kabahin pa sang continuous hot pursuit operation nila sang nagligad nga semana kag masarangan nila nga pamatud-an nga nag-agi sa husto nga proseso ang pag-aresto sa duha ka bodyguard sang konsehal.
Dugang pa ni Defensor nga ila atubangon ang ano man nga kaso nga ipasaka sa ila ni Nava.
Madumduman nga gindakop sanday Julius ‘Tata’ Delos Reyes kag Roy Delos Reyes bangud ginapahayag nga sila ang ginatudlo sang duha ka testigo nga nangamot sa pagpatay kay Mercedes ‘Ging-ging’ Nava sa Brgy. Calajunan, Mandurriao sang Enero 4,2019.
(pctto)
