ICPO kag IPPO, nagapatuman na sang oplan para sa panahon sang kapaskuhan agud mapunggan ang pagluntad sang street crimes sa Iloilo

Nagdihon ang Iloilo Provincial Police Office sang operation plan para sa karon nga panahon sang paskuwa.

Ginpahayag ni IPPO Director Sr. Supt. Marlon Tayaba nga ila ini gintawag nga Oplan Kapaskuhan kon sa diin pagagamiton ang tanan nga mga pulis sa malapnagon nga police visibility sa mga simbahan kag subong man sa mga matawo nga lugar nga masami ginakadtuan sang mga pumuluyo tagsa ka paskuwa.

Angut sini, ginpat-od ni Tayaba nga lauman sang mga pumuluyo ang presensya sang mga pulis sa mga pampubliko nga lugar sa pagbantay agud masiguro nga mangin malinong kag matawhay ang panahon sang paskuwa.

(photo from web)