Komitido ang Iloilo City Police office nga ipabilin ang kalinong kag katawhay sang siyudad sa tion nga i-lift ang ginapatuman nga curfew sa mga balay ilimnan.
Ini ang ginpasiguro ni ICPO Director Lt. Col. Martin Defensor matapos makigsapol kay Mayor Jerry Trenas.
Suno kay Defensor nga masarangan nila nga i-manage ang peace and order sang siyudad bangud ini ang ila responsibilidad santu sa mandate sang PNP.
Subong man, ginpahayag sang opisyal nga dapat buligan man sang siyudad ang ICPO nga mapatuman ang kalinong kag katawhay pinaagi sa pag-obligar sa mga establisimiento ukon mga balay ilimnan nga magbutang sang guwardiya kag bouncer lakip na ang pag-deploy sang mga barangay tanod ilabi na sa mga barangay nga may mga ilimnan agud makabulig sa pagbantay sang kalinong kag katawhay sa ila lugar.
