ICPO nakapili na sang 42 ka pulis nga mangin kabahin sang anti-drug operations team

ILOILO City – May 42 na ka pulis ang Iloilo City Police Office (ICPO) nga mangin kabahin sang anti-drugs operations sa syudad sang Iloilo.

Suno kay ICPO Director SSupt. Henry Biñas ginpaidalum nila sa evaluation sang publiko ang paghibalo sang kredibilidad sang mga kapulisan nga assigned sa ICPO.

Diri ginpangayuan sang opinion ang publiko sa ila impression sa mga kapulisan kag kun sin-o ang may kahilabtanan sa ilegal nga droga kag iban pa nga mga illegal nga hilikuton.

Pahayag ni Biñas nga sa masobra sa 600 ka kapulisan sa ICPO, 42 ang makabig nga wala sang question sa ila integridad ang publiko.

Ini nga proseso sang pagpili nagatuyo nga mapabalik ang pagsalig sang publiko sa kapulisan sat i-on nga magbalik na sila sa kampanya kontra sa illegal nga droga sa syudad sang Iloilo.