Ni Jay-ar M. Arante, RMN-DYKR Kalibo
Uwa hatapos do pag print it peke nga ID nga para sa tricycle driver sa Kalibo matapos nga raya hay madiskobrehan nga gina ubra sa sangka printing shop sa banwa it Kalibo.
Suno kay Kalibo SB secretary Diana Fegarido, may una sanda nga nasayuran nga may naga peke it sangka ID nga para sa tricycle driver nga ro pag-isyu hay halin ta dapat sa LGU Kalibo.
Samtang ging patawag eon do tag-iya it I.D nga ging kupyahan sa pagpeke pero uwa pa ro nagpa-ubra kara ag naga padayon pa gihapon do imbestigasyon it SB Kalibo kaangot kara.
Nagakaigo suno kay Fegarido it 2500 ro magiging penalidad sa pagpang-peke it ID.
Ro nasambit nga ID hay kan-o eamang ging isyu ag hugot gid nga gina bawaean it banwang Kalibo ro mga driver nga mag biyahe nga uwa it ID dahil sa may laye sanda para kara.
