Nakibot kag nagpalangalot sang ila ulo ang mga bisita nga nagtambung sa double wedding sa Daging, Heilongjang province.
Ini bangud sa tumalagsahon nga kahigayunan, nasaksihan nila ang pag-asawahay sang identical twin brothers sa identical twin sisters.
Sang primero, naghdumdum ang mga bisita nga gina-mata-mata ukon nagalilibat lang sila sa paglantaw sa duha ka pares sang ginakasal.
Ini bangud magluwas nga pareho gid ang itsura sang duha ka groom, pareho man ang itsura sang duha ka bride nga palareho man ang ginpangsuksok nga wedding outfits.
Ginkilala ang identical twin brothers nga sanday Zheng Dashuang kag Zheng Xiaoshuang samtang ang identical twin sisters amo naman sanday Liang Jing kag Liang Qing.
Ginapahayag nga napulo ka tuig na ang nakaligad sang mangin m,ag-abyan ang pamilya Zheng kag Liang kag didto ginplanuhan na nila ang arranged marriage.
Bangud sini, kalabanan sang wish sang mga maninoy kag maninay kag sang ila mga himata nga kuntani indi lang magbayluhanay sang partners sa ila honeymoon ang mga bag-ong kasal.
