Davao City – Gitagaan og deadline karong Biyernes ang mga Barangay Kapitan dinhi sa dakyaban sa Davao aron musumite sa ilahang mga ma-identipikang COVID-19 Isolation Facility diha sa ilahang mga areas of responsibility.
Sumala ni Davao City Mayor Sara Duterte nga nagpakanaog siya og memorandum niadtong niaging semana ngadto sa mga Barangay Chairman.
“Ang intent ani is dungagan ang isolation facility nato sa city and ipa-manange sa barangay katong mga cases nga kana ganing kinahanglang i-test pero wala pa na-test, na-test na pero assymptomatic o dili siya ibutang sa center. Ang ilahang circumstances sa ilahang dwelling or sa ilahang balay is impossible na mag-isolate nga kay dugay mga balay nga daghan kaayo’g sulod nga mga tao or dunay mga balay nga gamay kaayo nga impossible bga maka-isolate ang isa ka tao,” sumala niini.
Tudluan ang mga kapitan sa taga-City Health Office sa pagpadagan ug pag-set-up sa barangay isolation facility.
Gitan-aw niini nga dinhi mabutang ang mga gahulat nga ma-test o naghulat sa resulta samtang kadtong mga manginahanglan og mga doktor kinahanglang i-admit sa COVID-19 centers sa syudad.
RadyoMaN Aimee Guinita
