Davao City – Hagbay na matud pa na-identipika sa Mines and Geo-Sciences Bureau (MGB) ang mga geological hazard areas dinhi sa Pilipinas base sa ilang gipagulang geohazard maps.
Sumala ni Interface Development Interventions (IDIS) Inc. Executive Director Chinkie Pelino-Golle, tuig 2015-2016 na-ila na ang mga lugar nga landslide, erosion ug earthquake-prone areas.
Segun ni Golle nga hugot nga pagpatuman na lamang sa local government units (LGUs) sa geo-hazard maps ug pagpahibalo ngadto sa publiko bahin niini ang kinahanglan aron malikay kini sa mga posibleng peligro.
“Kung muingon ka na na-intergrate na siya sa comprehensive land use plan ug zoning ordinance kini sa nga mga vulnerability supposedly dapat naa nay mga ordinansa, palisiya ug programa gipatuman ang LGUs para ma-mitigate ni siya (possible hazards),” tataw niini.
Dugang ni Golle nga parte ang LGUs sa pagplano ug pagpatuman sa maong mga palisiya.
Samtang gisugilon sa IDIS executive director nga dili mahitabo dinhi sa syudad sa Davao partikularmente sa Shrine Hills ang susama sa Naga City landslide nga nitapos sa kapin 40 ka mga kinabuhi ug pagka-missing sa laing kapin 40 ka mga tawo.
Kini pinaagi sa pag-apil sa Comprehensive Land Use Plan ug pagregular sa mga aktibidad sa Shrine Hills sama sa pagpatukod og dagkong mga imprastraktura.
RadyoMaN Jason Amisola
