Idlas ug high value target sa drugas nadakpan sa kapolisan

63

Nadakpan sa check point sa mga sakop sa Station 6 sa Cebu City Police Office ang giilang idlas ug high value target nga drug personality sa Barangay Calamba sa syudad sa Sugbu .
Nagtingkagol na karon sa bilangguan ang suspek nga si Khenny Osmeña alyas “Wowie” , 39 anyos nga taga Saceda Compound Barangay Calamba ingon man ang laing notadong drug pusher nga si Ringo Navarro.
Ang hepe sa station 6 sa CCPO nga si Chief Inspector Keith Andaya nibutyag nga dugay na nilang giatang-atangan si Osmeña , apan idlas kaayo ug kanunay lang kining makaipsot gikan sa kapolisan .
Matud ni Osmeña nga wa siya mosurender atol sa “Oplan Tokhang” sa kapolisan sa kahadlok nga siya patyon sa mga pulis.

Facebook Comments