South Cotabato – nakaplagan sa usa ka residenti sa Sitio Colombong, Barangay Dumangas, Tboli, South Cotabato ang usa ka improvised explosive device (IED) sapling sa dalan, niadtong nakalabayng adlaw.
Subay sa report sa Tboli PNP mireport sa ilang buhatan ang concerned Citizen nga nakakita sa IED, gilayon sab nila kining girespondihan uban ang tropa sa 27th Infantry Battalion sa Philippine Army.
Sa pagsuta sa otoridad sa gikaingong IED usa kini ka matang sa claymore mine nga may nakakabit nga siyam ka metro nga electrical wire. Gilayon usab nga giturn-over sa Tboli PNP ang maong IED sa Explosive Ordnance Division Team sa South Cotabato.
Kini na ang ikaduhang higayon nga adunay nakit-ang IED sa lungsod. Kahinumduman nga Disyembre 12, usa ka 60mm mortar usab ang narekober sa Banana Plantation sa Sumifru Philippines sa Barangay Datal Dlanag. Sa karon ginasuta pa sa kapulisan kung si kinsa ang responsabli sa pagbilin ug bomba og kung unsa ang motibo niini.
