i Balita
October 19, 2019
(Photo from web)
IFFI GINPANGINWALA NGA MAY SECURITY THREAT SA ATUBANG SANG OLD PROVINCIAL CAPITOL RASON NGA GINSAYLO ANG JUDGING AREA 2 SA SOLIS STREET, CITY PROPER
Ginpanginwala ni Atty. Jobert Peñaflorida , presidente sang Iloilo Festivals Foundation Inc. ( IFFI) nga may security threat sa judging area 2 sa atubang sang old Provincial Capitol rason nga ginsaylo ini sa Solis Street, City Proper para sa Dinagyang Festival 2020.
Suno kay Peñaflorida nga ang nasambit nga lihok ang resulta sang consultative meeting sang Hulyo sa mga stakeholders sa diin ginhingyo sang mga tribu nga lip-uton ang ruta sang parada kag lakip na diri ang pagbuhin sa numero sang mga stages .
Dugang pa ni Peñaflorida nga ang pagsaylo sang judging area 2 ang indi lang tungod sa security reason’s nga amo ang namensyonar ni Stage Committee Chairman Ryan Tan sang nag-courtesy call siya kay Governor Arthur Defensor Jr. kundi para man hatagan sang nagakaigo nga espasyo ang mga tribu para sa 360 degrees nga performance kag agud magamit sang mga motorista ang area sa Capitol pakadto sa Muelle Loney area.
Gin-athag man ni Atty. Jobert Peñaflorida nga ang Iloilo Provincial government gihapon ang magadumala sa judging area 2 apisar ginsaylo na ini sa Solis treet, City Proper.
Dugang pa ni Peñaflorida nga napagkit man sa excecutive order ni Mayor Jerry Trenas nga ang pagdumala sa juding area 2 ang ginatugyan sa Iloilo Provincial government kag ang chairman amo si Provincial Administrator Atty. Suzette Mamon.
Suno kay Peñaflorida nga hilway ang provincial government sa pagdumala sa stage kag kon sanday sin-o nga mga bisita ang ila imbitaron diri.
