iFM Dear Bestfriend Story : Dili Ready Mahimong Bana

234

iFM Dear Bestfriend,
Good day! Just call me Odette.
Dear bestfriend, I wish you could help me. But I know nga sa akoa ra gihapon ang tubag, naglibog lang jud ko. Dili ko ganahan maconfused pa between sa nahitabo ug sa wala pa nahitabo ang kani nga happening nga nakapaduda na hinoon nako kung love ba jud ko sa akong boyfriend. Kung dili siya ready mahimo nakong bana, siguro it doesn’t mean man sad na dili nako niya love di ba ?
Pero how about ang mga plans unta namu sa future. Gapromise siya na pakaslan ko niya, magkabalay ug yuta mi pohon ug magkapamilya. Kung dili pa siya ready, wala nalang unta siya gapromise ba, para dili sad ko masakitan ug ingon ani. That led to doubts na hinoon.
24 ko, 25 ang akong boyfriend nga si Chari. 3 years nami in a relationship. Kaming duha naa nay trabaho. Pero ang nakapait lang ni Chari, magsigeg undang nya sugod na sad ug balik.
Gikan siya gabasket, pwerte na niyang singuta. Kada weekend, muuban mi sa iyang barkada kay mamusta sa pikas sityu ug basket, as always musupport jud ko. Mao ra sad baya iyang kalipay.
Sa amung paglakaw kay mamalit ug softdrinks, nakalabay mi ug kan-anan.
“Daghana na diay ug bag-ong tukod nga mga suruyanan diri babe sah ? Awa ra, bag-o na sad nga kan-anan, cute pa jud kaayo ug design”
Na-amaze jud ko dear bestfriend, ganahan man gud kaayo kog laag ug ganahan ko nga musuway sa mga bag-ong inila nga suruyanan labi nag kaon ang hisgutan.
“Mahal mana dira, unya pwerteng gamaya sa serving. Maayo pag mag canton nalang ta didto sa tindahan, busog pa ta babe,” ingon niya.
Sa akong hunahuna, pirmi naman lang siyang ingon ana oy, kundi mahal, dili siya muadto aning lugara kay layu, kundili, kay magbasket siya kuno. Daghan kaayog alibis.
“Sige lang babe, mangaon ta dira ugma, total napa koy sobra nga kwarta.” Mao nalang akong naingon.
Abi nakog malipay siya pero mura naman hinoon siyag naguol, diay tu, manghulam siyag kwarta kay wala na jud siyay extra pambayad sa iyang giabangan. Kay lage, wala na sad siyay trabaho.
Maong ako siyang gitambagan, ” Babe, mao bitaw giingnan tika nga ayaw sah ug hawa sa imung gitrabahuan bahalag gamay ug sweldo, bahalag di ka kauyon didto, kay basta, naa kay kwarta, dili ko ganahan maglisod ka…”
Ambot ug iya ba nang gipaminaw akong mga tambag niya. Kay kapila na nahitabo, muundang lang jud gihapon lage.
Siguro, maguwang lang jud kog hunahuna sa akong uyab. Murag ako ang mas naay concrete nga plans namung duha. Makapanghupaw nalang ta. Mao sad na ang usa sa mga butang nga akong gihunahuna kung seryoso ba gyud si Chari sa amung relasyon.
Unya, naa tuy mga buwan nga wala ko agii sa akong monthly period. Almost 3 months, syempre, nakuyawan ko kay basin ug mabdos ko. Sa pagkabantay nako sa 1st month pa lang, akong giingnan akong uyab na basin ug buntis ko. Syempre nabalaka sad baya ko. “Obserbahan lang sah natu,” pung niya. Pero sa iyang nawng, kontra gusto na. Naa koy nasense nga wala siya kauyon. Hangtod pang ikaduhang buwan, kay nahadlok man lage ko, wala jud ko musuway anang pregnancy test. Ako nalang jud giingnan akong uyab nga buntis jud ko.
“Asa man ka ? tubaga kuno ko,” sagul na kabalaka akong pangutana kay makaingon kog dili jud niya dawat ang bata sa iyang reaksyon. Ug sa dihang niana siya ” Babe, bata pa kaayo ta,dili tarung akong trabaho..”
Daghan siyag rason nga giingon , nabungog na ko tungod sa akong emosyon atu. So ingon atu ra diay kadali para niya.
Wala man ko makigbuwag niya dear bestfriend, wala lang jud ko magpakita kay tungod naghunahuna ko. Unsa man ni akong nasudlan nga problema. Bahalag mabuntis ko kay basta naa lang unta si Chari. Pero nahanaw akong mga plano tungod sa iyang gibuhat.
Hangtod nga nisuway nalang jud ko ug pregnancy test. Nahuwasan ko sa dihang negative ang result. Naa gihapoy kabalaka maong nilargo kog pacheck.
Almost 3 months sad tu dear bestfriend, gidalawan jud ko sa akong period, only to find out nga naa ra diay ko Polycystic Ovarian Syndrome ug gipatumar rako ug pills pampahilis sa mga cysts.
Akong gipahibaw si Chari kay nagsige naman siyag text nako atu nga magsturya daw mi, sigeg misscall. Maong ako na siyang gisultian, nagsorry siya nako sa iyang nabuhat.
After atu, nagbalik mig kitakita last month. Happy man kaayo siya nga wala nako masuko niya bahin sa nahitabo, pero I still have my doubts whether sakto ba akong gibuhat nga okay nalang nako ang nahitabo namung duha ?
Sakto ba akong gibuhat, nga wala nalang nako problemaha ang iyang pagkontra gusto sa gitoohan nakong baby sa akong tiyan. Ana siya gusto lang daw siya nga naa na siyay tarung trabaho ug kwarta nga makasuporta sa bata ug sa amung pamilya, maong nagduhaduha siya atung hitabua.
Serious ba kaha siyas amung relationship dear bestfriend? Love ba ko niya maskin dili siya ready mahimong bana? I don’t like this feeling nga dudahan nako siya.
So please help me. Thank you DJ Rikki ug sa tanang DJs sa iFM.
More power.
Love,
Odette


*** Gusto ba kang makadungog sa mga tambag para sa atung letter sender ? Paminaw lang sa programang iFM Dear Bestfriend kauban inyuhang DJ Rikki www.facebook.com/rikki.ifmcebu matag 1-3PM (Mondays-Saturdays). Please also visit our official Facebook Fanpage www.facebook.c om/ifmcebuofficial/

Para sa mga gustong mamahimong letter sender , share your stories here bit.ly/ifmdearbestfriend

Daghang salamat. Sa sunod na pod nga isturya besh !

Make this day count, and always remember, that you are WORTHY TO BE LOVED.

Facebook Comments